O mel que se vende en A Cesta da Saúde leva uns carapuchos moi especiais. Son resultado do concurso de debuxo “Carapuchos Abelleiros” convocado no mes de novembro por esta tenda especializada en alimentación ecolóxica, dirixido aos escolares de Primaria do Colexio S.X. de Cluny.
Foron 6 os gañadores, un por curso. E desde entón todos os botes de mel que se venden na Cesta da Saúde levan un destes carapuchos. Os premios, 4Kg de mel e un libro xigante para o Colexio; e 1Kg de mel para cada un dos pequenos artistas, que ademais apadriñarán unha colmea e poderán ir a visitar as súas abeliñas cando queiran.
